मौकामा चौका हान्ने अवसर: टिकटक भिडियो बनाएर यसरी जित्नुस कार देखि मोबाइलसम्म !

  • अनलाइनमार्ग डेस्क

    बिहिबार, कार्तिक २५ २०७८
  • मौकामा चौका हान्ने अवसर: टिकटक भिडियो बनाएर यसरी जित्नुस कार देखि मोबाइलसम्म !

    काठमाडौं । शिखर नेपाल प्रा.लि.को मुख्य आयोजनामा हुने ‘शिखर टिकटक स्टार नेपाल रियालिटी सो’ को घोषणा भएको छ । जसअन्तर्गत पछिल्लो समयको चर्चित भिडियो सेयरिङ प्लेटफर्म टिकटकमा भिडियो बनाएर कार, मोटर साइकलसहितका उपहार जित्ने सकिने छ ।

    बुधबार पत्रकार सम्मेलनको आयोजना गरेर अध्यक्ष शेखर खनालले नेपाल र नेपालीको कला, संगीत र साहित्यको सम्वद्र्धन तथा दुरदराजमा रहेका सांस्कृतिक विविधतालाई एकीकृत गर्न प्रतियोगिताको आयोजना गरिएको बताए ।

    सहभागीहरूमध्ये उत्कृष्ट प्रतिस्पर्धीलाई तीनजना निर्णायकको टिमले छनोट गर्नेछन् । जसमा अभिनेत्री गौरी मल्ल, वर्षा सिवाकोटी र रमेश उप्रेती निर्णायक टिममा रहेका छन् ।

    विजेता प्रतिस्पर्धीहरूलाई दिर्घकालीन र अल्पकालीन गरी दुई भाग छुट्याएर पुरस्कार प्रदान गरिने आयोजक टिमले जानकारी दिएको छ ।

    अल्पकालीनतर्फ प्रथम हुनेलाई कार, दोस्रोलाई मोटरसाइकल, तेस्रोलाई स्कुटर, चौथो हुनेलाई क्यामेरा, पाँचौलाई ल्यापटप, छैटौँलाई टिभी र सातौँ, आठौँ, नवौँ र दशौँ हुनेलाई मोबाइल फोन दिइने आयोजकले जानकारी दिएको छ ।

    दिर्घकालीनतर्फका विजेताहरूले विभिन्न सिरियल, म्युजिक भिडियो, सिरिज तथा चलचित्रमा काम गर्ने अवसर प्राप्त गर्नेछन् ।

    प्रतियोगितामा भाग लिन कुनै धर्म, लिङ्ग, जात, वर्णका आधारमा प्रतिबन्ध हुनेछैन । तर, उमेर समूहतर्फ भने १० वर्षभन्दा माथिको हुनुपर्नेछ । यसका साथै देश तथा विदेश जहाँसुकै भएका टिकटक प्रयोगकर्ताहरूले पनि भाग लिन पाउनेछन् ।

    प्रतियोगिताको मापदण्ड
    – प्रतियोगितामा भाग लिने इच्छुक सहभागीहरूले पाँचसयको फर्म भर्नुपर्नेछ ।
    – सहभागीको आफ्नै टिकटक खाता हुनुपर्नेछ ।
    – टिकटक भिडियो कम्तीमा १५ सेकेन्ड र बढीमा ३ मिनेटसम्मको हुनुपर्नेछ ।
    – भिडियोमा कुनै जात, धर्म, वर्ण, लिङ्ग, वा समुदायमाथि प्रत्यक्ष वा अप्रत्यक्ष रूपमा गालीगलौज, अपशब्द वा लाञ्छाना लगाउन पाइने छैन ।
    – तोकिएको विधा र न्युनतम व्यक्ति संख्याको मापदण्ड पूरा गर्नुपर्नेछ ।
    – प्रतियोगीले पठाएको भिडियो विशेष जुरीको समूहले अवलोकन गर्ने छ ।
    – प्रतियोगीले भिडियो पठाउँदा तोकिएको संस्थाको वेबसाइटमार्फत पठाउनुपर्ने छ ।
    – प्रतियोगितामा प्रारम्भिक छनौटमा परेकाले मात्र अघिल्लो चरणमा प्रवेश पाउनेछन् ।
    – प्रारम्भिक छनौटको अन्तिम निर्णय निर्णायकमा निहित हुनेछ ।
    – अन्य विविध प्रायोजनका लागि शर्तहरू लागु हुनेछन् ।

    सहभागी हुनपाउने विधा र संख्या
    – राष्ट्र र राष्ट्रियता
    – मौलिक कला र संस्कृति
    – हाँस्य/अभिनय/नृत्य
    – एउटा भिडियोमा कम्तिमा एकल र सामूहिक (१ जनादेखि ३ जनासम्म) संख्या रहनुपर्ने छ ।

    यो कार्यक्रम नाइस टेलिभिजनबाट शुक्रबार र शनिबार प्रशारण हुने जानकारी आयोजक टिमले दिएको छ ।

    कार्यक्रमको बाँकी जानकारीका लागि शिखर टिकटक स्टार नेपाल रियालिटी सोको आधिकारिक वेबसाइट फलो गर्न आयोजक टिमले अनुरोध गरेको छ ।

    [ तपाईसंग वा तपाईको वरिपरी पनि कुनै प्रतिभा, रचना र विकृति विसंगतीका घटना छन् भने हामीलाई [email protected] मा इमेल गर्नुहोस अथवा ९८६३०३३१७२ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौं । धन्यबाद ।। ]


    अनलाइनमार्ग डेस्क


    सम्बन्धित समाचार
    © copyright 2022 and all right reserved to onlinemarg.com | Site By : SobizTrend