आफूले आफैंलाई महानायक घोषणा गर्ने भुवन केसीलाई लाग्यो ४४० भोल्टको झड्का, ‘डाँडाको वरपिपल’ को हलको हविगत बाहिरियो !

  • अनलाइनमार्ग डेस्क

    मंगलबार, कार्तिक २ २०७८
  • आफूले आफैंलाई महानायक घोषणा गर्ने भुवन केसीलाई लाग्यो ४४० भोल्टको झड्का, ‘डाँडाको वरपिपल’ को हलको हविगत बाहिरियो !

    आफूले आफैंलाई महानायक घोषणा गरेका नायक भुवन केसीलाई हाइभोल्टेजको झड्का लागेको छ । उनी अभिनित चलचित्र डाडाको वरपिपलले पानी भन्न सम्म नपाएको हो ।

    महिनौंको बन्दपछि यही घटस्थापनाको दिनदेखि सिनेमा हलमा दर्शक जान थालेका छन्। सरकारले ५० प्रतिशत अकुपेन्सीको अनुमति दिएकोले हाल कुल सिट क्षमताभन्दा आधा सिट बराबरको मात्र टिकट बेच्न पाइने अवस्था छ।

    लामो समयपछि हल खुलेको उत्साह र दसैं–तिहारको माहोलले बिस्तारै दर्शक बढ्ने सम्भावना अझै बाँकी छ। तर आज ललितपुरको लबिम मलस्थित क्युएफएक्समा जे देखियो त्यसले नेपाली फिल्मले हलमा दर्शक तान्न अझै धेरै संघर्ष गर्नुपर्ने देखाएको छ। हाल यहाँ हलिउड फिल्म ‘नो टाइम टु डाइ’ र ‘फास्ट एन्ड द फ्युरियस’का साथमा नेपाली फिल्म ‘डाँडाको वरपिपल’ प्रदर्शन भइरहेको छ।

    लबिम मल क्युएफएक्सका ड्युटी अफिसर शुशान्त बुढाथोकीका अनुसार समग्रमा सिनेमा हेर्न आउने दर्शकको संख्या २५ देखि ३० प्रतिशत छ। उनका अनुसार तीन फिल्ममध्ये सबैभन्दा बढी दर्शक नो टाइम टु डाइले पाएको छ। सबैभन्दा कम दर्शक पाउने फिल्म डाँडाको वरपिपल बनेको छ।

    सोमबार डाँडाको वरपिपलले एक सो मात्र पाएको थियो। साढे तीन बजेको सो पाएको यो फिल्म हेर्न एक जना दर्शक पनि पुगेनन्। केसी अभिनित चलचित्र सुपरफ्लप भएको हो । राजधानीमा सिमसिम पानी परेकोले केही दर्शक घट्नु स्वभाविक हो। बिहीबारदेखि प्रदर्शनमा आएको नो टाइम टु डाइमा हिजोभन्दा केही दर्शक घटेका छन्।

    १८२ सिट भएको हलमा ९१ दर्शकका लागि टिकट राखिएको थियो। तर एक जना दर्शक पनि नहुनु फिल्मको असफलता नै हो। लबिम मल क्युएफएक्सका ड्युटी अफिसर शुशान्त बुढाथोकीका अनुसार हिजोसम्म डाँडाको वरपिपलमा सुरु देखि नै दर्शक कम थिए। हिजो पन्ध्र बीस जना दर्शक फिल्म हेर्न पुगेका थिए।

    शोभित बस्नेतको निर्देशन र सलोन बस्नेत, शिव श्रेष्ठ, गौरी मल्ल, भुवन केसी, सलोन बस्नेत, रुविना थापालगाय कलाकारको अभिनय रहेको फिल्ममा आज दर्शक शून्य। एउटा मात्र सो पाएको नेपाली फिल्ममा दर्शक नहुनुले आगामी दिनमा नयाँ फिल्म सार्वजनिक गर्न निर्मातालाई हच्काउने निश्चित छ।

    गत वर्ष लकडाउन भएयता ५० भन्दा बढी फिल्म प्रदर्शनका लागि तयार छन्। तर यसबीच प्रदर्शनमा आएका ‘एउटा यस्तो प्रेम कहानी’, ‘धन्दागिरी’ र ‘डाँडाको वरपिपल’को नाजुक अवस्थाले सिनेमा हलमा नेपाली फिल्मले बिना तयारी सजिलै दर्शक तान्न नसक्ने प्रष्ट भएको छ।

    [ तपाईसंग वा तपाईको वरिपरी पनि कुनै प्रतिभा, रचना र विकृति विसंगतीका घटना छन् भने हामीलाई [email protected] मा इमेल गर्नुहोस अथवा ९८६३०३३१७२ मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौं । धन्यबाद ।। ]


    अनलाइनमार्ग डेस्क


    सम्बन्धित समाचार
    © copyright 2021 and all right reserved to onlinemarg.com | Site By : SobizTrend