शान्ति मिसनमा अब सर्वसाधारण पनि

शान्ति स्थापनार्थ खटिने संयुक्त राष्ट्रसंघको मिसनमा नेपालबाट गैरसैनिक सर्वसाधारण व्यक्तिलाई पनि पठाउन थालिएको छ । यसअघि सैनिक सुरक्षाकर्मी मात्र जाने गरेको मिसनमा दोभासेका रूपमा सर्वसाधारणलाई पनि लैजान थालिएको हो ।

सैनिक प्रवक्ता तथा सहायक रथी विज्ञानदेव पाण्डेका अनुसार सेन्ट्रल अफ्रिकन रिपब्लिक मिसनमा खटिएको २ सय ९ जनाको ‘एड्भान्स’ टोलीमा एक जना सर्वसाधारणलाई दोभासेका रूपमा पठाइएको छ ।

उक्त मिसनमा फ्रेन्च भाषाका लागि दोभासेका रूपमा काम गर्न गएका व्यक्तिको नाम भने उनले खुलाउन चाहेनन् । पाण्डेका अनुसार ती व्यक्तिले काम थालिसकेका छन् । ‘रक्षा मन्त्रालयको स्वीकृतिमा दोभासे व्यक्तिलाई करारमा नियुक्त गरेर शान्ति मिसनमा पठाइएको हो,’ पाण्डेले भने । कान्तिपुर दैनिकमा खबर छ ।

सम्बन्धित खवर